માનવ કલ્યાણ યોજના

Manav Kalyan Yojana – Gujarat Government

ગુજરાત સરકાર દ્વારા માનવ કલ્યાણ યોજના બેરોજગાર, શિક્ષિત અને કુશળ યુવાનોને સ્વરોજગાર માટે પ્રોત્સાહિત કરવા માટે શરૂ કરવામાં આવી છે. આ યોજના હેઠળ લાભાર્થીઓને તેમના વ્યવસાય માટે જરૂરી ટૂલકિટ આપવામાં આવે છે. આ યોજના ઈ-કુટિર પોર્ટલ (https://e-kutir.gujarat.gov.in) પર ઓનલાઈન ચલાવવામાં આવે છે.

• ઉંમર: 18 વર્ષથી 60 વર્ષ સુધી.
• ગ્રામ્ય વિસ્તારના લાભાર્થીઓ: જિલ્લા ગ્રામ વિકાસ વિભાગની ગરીબી રેખાની યાદીમાં સમાવેશ થયેલ હોવો ફરજિયાત છે. 0 થી 16 સ્કોર ધરાવતાં લાભાર્થીએ આવકનો દાખલો રજૂ કરવાનો રહેતો નથી.
• આવક મર્યાદા: અરજદારના કુટુંબની વાર્ષિક આવક ₹6,00,000 સુધી હોવી જોઈએ. (તાલુકા મામલતદાર / નગરપાલિકા ચીફ ઓફીસર / મહાનગરપાલિકાના અધિકૃત અધિકારીનો આવકનો દાખલો રજૂ કરવાનો રહેશે.)

⚠️ અતિ પછાત વર્ગ / વિચરતી અને વિમુકત જાતિઓ: આ જાતિઓ માટે કોઈ આવક મર્યાદા લાગુ પડશે નહીં. ફક્ત જાતિ પ્રમાણપત્ર અપલોડ કરવાનું રહેશે.

1. ઓનલાઈન અરજી: અરજી ફક્ત ઈ-કુટિર પોર્ટલ (https://e-kutir.gujarat.gov.in) પર કરવાની રહેશે.
2. VCE સહાય: ગામના VCE દ્વારા પણ અરજી ઓનલાઈન વિના મુલ્યે ભરી આપવામાં આવશે.
3. દસ્તાવેજ અપલોડ: તમામ ડોક્યુમેન્ટ ઓનલાઈન જ અપલોડ કરવાના રહેશે.
4. ઇ-શ્રમ કાર્ડ: ઇ-શ્રમ કાર્ડ નંબર અને ડોક્યુમેન્ટ અપલોડ કરવાના રહેશે. (જો ન હોય તો ફોર્મમાં આપેલ લિંક પરથી મેળવો.)
5. જાતિ પ્રમાણપત્ર: જાતિ પસંદ કરી તેનું પ્રમાણપત્ર અપલોડ કરવાનું રહેશે.
6. આવક મર્યાદા (અન્ય જાતિઓ): અતિ પછાત સિવાયની જાતિઓએ ₹6 લાખ સુધીની આવકનું પ્રમાણપત્ર અપલોડ કરવાનું રહેશે.
7. ડ્રાફ્ટ તરીકે સેવ: અરજી સબમિટ નહીં કરે ત્યાં સુધી તે ડ્રાફ્ટ તરીકે સેવ રહેશે.
8. નવીન અરજી: જો અરજી GUK કક્ષાએ નામંજૂર થાય તો ફરી નવીન અરજી કરવી પડશે.
9. અરજી સ્થિતિ: “એપ્લીકેશન સ્ટેટ્સ” વિભાગમાંથી અરજીની સ્થિતિ જોઈ શકાશે.
10. ડ્રો પદ્ધતિ: જિલ્લા ઉદ્યોગ કેન્દ્ર દ્વારા ઓનલાઈન ડ્રો કરી લાભાર્થીની પસંદગી કરવામાં આવશે.
11. તાલીમ: જરૂરિયાત હોય તો ફોર્મ ભરતી વખતે તાલીમનો વિકલ્પ પસંદ કરી શકાય.
12. ઇ-વાઉચર (QR Code): અરજી મંજૂર થયે QR Code સાથેનું ઇ-વાઉચર જનરેટ થશે અને SMS મળશે.
13. ઇ-વાઉચર સુરક્ષિત રાખો: ઇ-વાઉચર અને OTP માન્ય ડીલરને જ આપવા, અન્ય કોઈને નહીં.
14. ડીલર્સની યાદી: ઇ-કુટિર પોર્ટલ પર ટૂલકિટની મહત્તમ કિંમત અને માન્ય ડીલર્સની યાદી મેળવી શકાશે.
15. ટૂલકિટ ખરીદી: ગુજરાતના કોઈપણ માન્ય ડીલર પાસેથી ઇ-વાઉચર રીડીમ કરી ટૂલકિટ ખરીદી શકાશે. (મહત્તમ કિંમતથી વધુ હોય તો વધારાની રકમ ચૂકવવી પડશે.)
16. વેરિફિકેશન: ટૂલકિટ ખરીદી બાદ ગ્રીમકો કચેરી અને થર્ડ પાર્ટી એજન્સી દ્વારા ઘરે આવીને વેરિફિકેશન કરવામાં આવશે.
17. સાધન ગેરહાજર: વેરિફિકેશન સમયે સાધન જોવા ન મળે અથવા ઉપયોગ ન કરતા હોય તો સાધન પરત લેવામાં આવશે.
18. દૂરઉપયોગ: દૂરઉપયોગ માલૂમ પડે તો સહાયની રકમ પરત લેવાશે અને ભવિષ્યની સરકારી યોજનાઓમાં હક્કદાર રહેશો નહીં.
19. હેલ્પ ડેસ્ક: મુશ્કેલી હોય તો 9909926280 / 9909926180 પર સંપર્ક કરો.

• ઉંમરનો પુરાવો (જન્મ દાખલો / શાળા છોડયાનું પ્રમાણપત્ર / આધાર કાર્ડ)
• જાતિ પ્રમાણપત્ર (જો લાગુ હોય તો)
• આવકનો દાખલો (₹6,00,000 સુધી – જરૂર પડ્યે)
• રહેઠાણનો પુરાવો (રેશન કાર્ડ / વીજળી બિલ / આધાર કાર્ડ)
• ઇ-શ્રમ કાર્ડ (ફરજિયાત)
• આધાર કાર્ડની નકલ
• બેંક પાસબુકની પ્રથમ પાનાની નકલ

⚠️ સૂચના: અરજદારોએ ફક્ત અસલ દસ્તાવેજોની સ્કેન કરેલી નકલ જ સબમિટ કરવાની રહેશે.

🚀 ઝડપી પ્રક્રિયા (Quick Process)

📢 WhatsApp Group માં જોડાઓ

સરકારી યોજનાઓ, નોકરીની જાહેરાતો, PDF ન્યૂઝપેપર અને શૈક્ષણિક અપડેટ્સ મેળવો.

🪀🥏 Join WhatsApp Group